Chenro Nyasaye mar Warruok [CB30]

Ang'o manomiyo wadwaro chenro Nyasaye mar Warruok?

Kane Nyasaye oloso dhano mokwongo to nolose e kido kendo e chalne.

Chakruok 1:27 kamano Nyasaye nochweyo dhano e kido machal kode, nochweyo dichwo gi dhako (KJV).

Adam gi Hawa ne dhano mokwongo chwe gi Nyasaye. Ne gin kar anywonde. Ne gidak e puodho mar Eden kendo negionge richo enyim Nyasaye, mafulo ni ne ok giketho chik moro amora mar Nyasaye. Ma e kaka ne en saa mane thuol owuondo Hawa mondo ocham olemb yath mane Nyasaye onyisogi ni kik gicham.

Chakruok 2:16-17, nowachone niya, " Oyieni chamo olemb yien duto manie puodho 17 mak mana olemo manyiso ber gi rach ema kik icham nikech chieng' manichame to initho" (RSV).

Chakruok 3:16-19 Eka nowacho ni dhako niya " Anamedni chandruok ka in gi ich, kendo muoch nokayi kinywol, kata kamano inigomb mondo ibed gi chwori to enobd ng'ama chiki" 17 Eka Nyasaye nowacho ne Adam niya, " Okwong' lowo nikech in, nimar niwinjo gima chiegi owachoni michamo olemo mane okweri ni kik icham. Koro inibed kitiyo matek kuom ngimani duto, mondo lowo onyagni chiemo; 18 Enonyagni kuthe gi riegni kod buya kendo inicham mana alote mae thim. 19 Inicham kuon gi luya nyaka idog e lowo nikech kanyo emane ogolie. In lowo kendo lowo emane nidogie.

Kuong' ni ne ok oromo gi Adam kod Hawa. Ne en mar dhano duto mane oluwogi, chkre nyaka tinende newan. Kuong'ni nyisowa ni waduto wabiro bedo gi rem kod chandruok kendo ni wabiro tho waduto kendo ringrewa biro dok e lowo. Ne richo mokwongoni tho nobiro; kendo bende noketo nyithind Adam yawuot dhano kendo ok yawuot Nyasaye kendo.

Jorumi 5:12 Richo nodonjo e piny nikech tim ng'at achiel kendo richono nokelo tho. Kamano tho nobiro kuom ji duto nikech ji duto notimo richo.

Kane waonge gi chenro Nyasaye ne warruok, to ne wabiro tho kendo bang'e onge gimoro kendo. Ne wadhi mana doko e lowo kendo mano e kaka dobedo. To Nyasye ok dwar ni olal ng'ato ang'ata chutho.

2 Petro 3:9 Ruoth ok deki kuom timo gima osesingore ni obiro timo, to ohoronu mos kapod orito, nikech ok odwar ni ng'ato ola, to odwaro ni mondo ji duto olokre owe richogi. (RSV)

Mondo wadagi, kata kik watho chutho, Nyasaye ochako chenro moro mar warruok ni wan. Omiyo wanyalo kendo biro bet achiel mar anywolane.

En ang'o ma chenro Nyasaye mar warruok en?

Bang' Adam, Nyasaye notimo singo moro gi joge. Chon mokwongo, Jodolo madongo e mane rito chikene. Piny ne rach ahinya mane ochuno ni nyaka kethe gi pi. Nao kod joode ne okwo mondo ochak piny manyien maonge gi timbe maricho mag piny machon. KOkadho kuom Ibrahim Nyaaye nohiko ogendni kod yiero jo-Israel mondo bed ogandane moyier, mane odhi nyiso chenrone, Kokadho kuomgi. Ne ochacho chike mondo ochikgi kendo negiloso chiw ne. En bi richogi Bende nochako odiochieng' ne maler. Odiochieng' malergi ne ochaki mondo onyiswa chenro mar Nyasaye. E odiochiengegi jo-Nyasaye ne dhi chiwone miche miwang'o mopogore opogore. Wanyalo somo mang'eny kuom odiochieng'e maler e kalatas Odiochienge maler (No. CB22).

Nyasaye nong'eyo ni singoni ok bi timore kaonge chuny maler e dhano, nikech nong'eyo ni dhano biro dhi nyime gi timo richo. Kuom richo dhano ne idhi ng'at pile koa kuom Nyasaye Achiel kende mar Adiera. Omiyo Nysaye nonyiso ni yo manyien e singone ibiger. Singo ma Nyasaye ochako nigi singo mamoko mang'eny kata singo kod yie eiye (Ng'i kalatas singo mar Nyasaye (No.152). Yo manyien ni, ichako e bwo kristo biro kelo geno kod warruok.

Jeremia 31:31-34 " RUOTH wacho niya, " Ndalo biro ma anatimie singruok manyien kod dhood Israel kod dhood Juda. 32 Ok nochal gi singruok mane atimo gi kweregi; kane atayogi kagologi e piny Misri, nimar ne giketho singuok mane atimo kodgino, kata obedo ni ne an ruothgi. 33 Anaket chikena e parogi kendo anandikgi e chunygi. Anabed Nyasachgi mi ginibed joga. 34, Onge ng'ama nopuonj wadgi kata ma nopuonj omin mare, kawachone ni " Ng'e RUOTH nikech giduto ging'eyo chkre ng'at mantie moloyo. Anawenegi richigi kendo ok anachak apar timbe maricho mane gisetimo. An Ruoth Nyasaye ema awacho kamano". (RSV).

Bende nonyisi e muma ni Nyasaye biro oro Mesia ne moyier mondo owar joge.

Jeremia 13:5-6 "Ndalo biro ma anayiere nyakwar Daudi me mondo obed ruoth. En orit piny gi rieko, kotimo gik ma owinjore kendo makare e piny. E ndalo lochne, Jo-Juda nodag gi kue kendo jo-Israel bende nodag maonge ng'ama chandogi. Ginichak ruothno ni "RUOTH Nyasaye ma resowa" (RSV)

Kuondegi ne nyiso biro mar Wuod Nyasaye, Yesu kristo kod biro mar roho maler, mane Nyasaye nedhi chiw ni ji mo yie kuom Wuode.

Yesu nobiro puonjo ji kuom yo manyien mar singo mane Nyasaye losonigi. Ne ok obiro ketho chik mane Nyasaye ochako ne joge. Ne obiro puonjogi mondo gikaw chik kendo mondo gi bi ne lokruok ne richogi mane gisetimo ne Nyasaye.

Mathayo 5:17-18 "kik upar ni asebiro mondo chik kata ni mondo oketh weche jonabi; to asebiro mana ni mondo achopgi. 18 Adiera awachonu ni kapok polo gi piny orumo to kata mana nukta achiel mar chik kata dire achiel matin, ok nolal nyaka chop gik moko duto timre" (RSV).

Mathayo 4:17 chakre kindeno Yesu nochako lando wach konyiso ji niya " Lokuru chunyu, nikech Loch polo chiengni" (RSV).

Lokruok nyiso ni dok chien ni gik mowasetimo marach kod weyo gik maricho kod timo gik mabeyo kata dok ne Nyasaye kod tim dwache.

Yesu bende nopwonjo ni oningo obatiswa mafulo ni bang' ka waselokore kendo wadoko ngimawa ne Nyasaye, oningo oketwa e bwo pi e thuolo machwok manyiso tho mar yorewa machon kendo chiere ngima manyien gi Nyasaye.

Mathayo 28:19-20 " Omio dhi uru ulok ogendni duto jouonjrene kubatisogi ginying wuoro gi wuowi gi Roho maler, 20 kendo kupuonjogi rito weche duto masenyisou. To winjuru! An kodu ndalo duto nyaka giko piny" (RSV).

Inyal mana batiswa ka wan jomadongo. To kuom saa manok, ka wan gi jonywol moyie kenndo majoluoro to oluokwa kodgi (1Jokorintho 7:14). Ma nyiso ni Nyasaye ngiyowa maber ka wan e bwo rito mar jonywlwa.

Igeno ni jonywol moyie puonjo nyithindgi chike mag Nyasaye kendo e kinde ma nyithindo biro dak e yor chike a gin joma dongo. E kanisa mar Nyasaye nyithindo matindo ok batisi. Ma nikech nyaka wa ng'e richowa kendo wadog chien ne gigo maricho mawatimo kapok wanyal dhi e liend pi mar ubatiso kendo dwokwa mangima (maler).

Yesu bende nobiro mondo obed jawarwa. Ma nyiso ni nobiro mondo otho kendo mondo oluok richowa oko. Kane kristo otho ne en Nyarombo wa mar pasaka. Ne ok otimo nyalo mar dhi ir Nyasaye wawegi maonge dhi ir jadolo. Bende ne en chipwa mogik, manyiso ni ok onengo walos chiwo mra mora e yo jamni ne Nyasaye kendo.

Bang'e kristo nochier koa e tho kaka olemo mokwongo mar chamb Nyasaye. Ma nyiso ni en e mokwongo kuom jogo mang'eny mibichier koa e tho kendo dak kendo e polo manyien mar Nyasaye kod piny manyien.

1Jokorintho 15:20 To en adiera ni kristo nenochier oa kuom joma otho! En ema nokwongo chier mana ka gir singo ni joma otho biro chier, (RSV).

Fweny 21:1 Bang' mano, noneno polo manyien gi piny manyien polo mokwongo gi piny mokwongo noserumo kendo nam bende noselal nono (RSV).

Kristo bende notelo ne yo ni mich mar Roho maler mondo obi ne Jo-Nyasaye. Roho maler en teko Nyasaye mayienwa kaw kit Nyasaye owuon, kendo en mich ma Nyasaye mio ng'ato ang'ata mokwaye nono. WAnyalo somo mang'eny kuom Roho maler, e kalatas Roho maler to ang'o (No. CB3).

Kristo, e yor Roho maler, e kaka wa winjo muma kendo e kaka Nyasaye tang'onwa gima odwaroni watim. Nyasaye nonyisowa ni noseketo e singone manyien, mane owuoyo kuome e Jeremia 11. Jorumi 2:14-15 nyiso ni sani Roho maler tayo paro kod timbe Jo-Nyasaye.

Jorumi 2:14-15 ka joma ok jo-Yahudi ma gin joma onge chik, timo mana gima chik dwaro, to mano nyiso ni chik tiyo e chunygi, kata obedo ni gikia chik kamano. 15 Mano nyiso ni gima chik dwaro ondiki e chunygi Paro gi bende nyiso ni mano en adier,nikech seche moko parogi nyisogi ni giseketho, to seche moko onyisogi ni gionge bura ( RSV).

Yesu bende nowuoyo kuom duoke e piny, kendo ni obiro choko jo-Nyasaye moyier e tunge piny duto. Joma oyier gin joma timo gima Nyasaye dwaro ni mondo gitim sani. Yesu bende wacho ni onge ng'ama ong'eyo sama oduogie to mak mana wuoro.

Mariko 13:26-27 Eka wuod Dhano nothinyre, kobiro e boche polo gi teko malich kod duong' maler. 27 Enoor malaika etung' piny gi tung' piny mondo joma Nyasaye oseyiero, chakre e tung' piny konchiel nyaka kama chielo. (RSV)

Mariko 13:32 To onge ng'ama ong'eyo chieng' ma gigo notimre, kata saa ma ginitimre. Kata malaika manie polo, kata mana wuowi ok ong'eyo, to wuoro kende eme ong'eyo.

Ka kristo duogo to obiro lelonwa kaka Ruothwa kuom higni gana achiel. Joma oyier biro konnye telonwa kaka jodolo. Jogi biro bedo e gima iluongo ni chier mokwongo- e yo moro gibiro bedo joma otho ma ibi chier kendo e ngima.

Fweny 20:4-6 Bang' mano ne oneno kombe mag duong' kendo joma ne obet e kombego ne omi teko mag ng'ado bura. Bende ne oneno chuny joma oseng'ad wiyegi nikech negihulo wach man kuom Yesu. Kendo nikech ne gilando wach Nyasaye. Gin ne ok gilamo ondiek kata gima ket kode, bende ne ok oketnegi alama mar ondiek e lela wengegi kata e lwetegi. Ne gidoko mangam mi gilocho gi kristo kum higni alufu achiel. Mane e chier mokwongo 5 Joma otho modong' to ne ok odok mangima kendo, nyaka higni alufu achiel nono. 6 Joma ochier e chier mokwongo gin johawi kendo gin joma ler. Tho mar ariyo mag kristo, kendo gini loch kode kuom higni alufu achielgo (RSV)

Joma odong' mane odak, to ne ok otimo gima Nyasye nedwaro ni mondo gitim, ibi chier bang' higni alufu achiel mar tend kristo kaka Ruoth. Ma iluongo ni chier mar ariyo. Ji e chier mar ariyo ibi puonji mondo odagi gi chike Nyasaye kendo gin bende gibiroyudo thuolo mar bedo e anywola Nyasaye. Ma iluongo ni ng'ado bura, ka ok gidok ne Nyasaye to gibiro tho mogik kendo ok gini bed mangima kendo.

Ere kaka waromo bedo e chenro Nyasaye?

Nyasaye oherowa waduto. Ok odwar ni moro kuomwa olal kaka waseng'eyo. To bende noherowa moromo mondo ochiwnwa wuode achiel kende kaka mich richowa, ni mondo wanyal bedo achiel kuom anywolane kendo. To ok ji duto mawinjo ma sani.

Johana 3:16 Nyasaye nohero piny ahinya kama omiyo nochiwo wuode ma miderma mondo ng'ama oyie kuome kik lal to obed mangima ma nyaka chieng. ( KJV)

Johana 3:1-2 mano hera maduong' manadi ma wuoro osemiyo wa kuom luongowa ni nyithind Nyasaye! Adier, wan nyithinde! gimomiyo piny ok ong'eyowa en ni piny kia Nyasaye. Osiepena, kata mana sani wan nyithind Nyasaye to kaka wabiro bet pok ofwenyore to wang'eyo ni ka kristo ofwenyore, to wanabed machal kode, nikech wananene kaka ochal (RSV).

Odochieng achiel wabiro doko gigo mag roho. OK bi bet wuone kata mine, mana ringruok roho. Waduto wabiro dok yawuot Nyasaye kendo tiyo gi kristo. Kristo nothonwa mondo ni kawachiewo e nindo (tho) to wanyal dak kode (1Jothesalonika 5:10). Pare mano, adiear, odiochieng achiel wabiro neno kristo kendo dak kode gi malaika moko.

Yo kende mar bedo e anywola mar Nyasaye e yie kuome kod wuode, Yesu kristo. Bende nyaka warit chikene, walokre waae richowa kendo batiswa ka wan joma dongo. Ma gima wan duto wanyalo geno.

Par ni duto ma Nyasaye osedwaro kuomwa en ni hera kendo luore, ka watimo kamano to wabiro bet e anywolane chutho.

Rapar ma chik 7:9 Omiyo koro ng'euru ni Ruoth Nyasaye ma Nyasachu en Nyasaye. En Nyasaye jadiera kendo marito singruokne kuom tienge gana mag ji mohere kendo momako chikene, koherogi gihera mosiko (KJV).

PO Box 369, WODEN ACT 2606, AUSTRALIA