Nyasaye en Ng'a? [CB1]

"Winjruru un Jo-Israel: Ruoth Nyasachwa, En kende e Ruoth!” (Rapar mar chik 6:4).

En gima ler koa e Muma ni nitiere Nyasaye achiel kende ma adiera. En e Moduong' kendo Jachwech mar Polo, piny kod gik moko duto (Chakruok 1:1; Nehemia 9:6; Zaburi 124:8; Isaya 40:26, 28; 44:24; Joote 14:15;17:24,25: Fweny 14:7).

Ne nitiere ndalo ma gimoro amora neonge, mak mana chuny mane achiel, ne osebedo kodak. Ka pok ndalo nochak, ne entiere kende. Ka ok odwar gimoro amora mondo omiye teko kata ngima. Gini ne en Nyasaye achiel kende mar adiera (Johana 17:3; 1Johana 5:20). Ok otho (1Timotheo 6:16). Ma nyiso ni Nyasaye ok nyal tho.

Jo- Hibrania machon nong'eyo chuny ma ok thoni ni Eloa, Mofulo ni achiel. Tiende wang'eye kaka Nyasaye. En Nyasaye maduong' moloyo (Chakruok 14:8; Kwan 24:16; Rapar mar Chik 32:8; Mariko 5:7). Iluonge kendo ni Jahori kata Jehova mar malaika. Yie mar jo-Islam luongo Nyasaye achiel kende madiera ni Alla. Ma e Nyasaye manie Jo-Kristo.

Ere ng'ama osedhi e polo, kendo oduogo?

Koso en ng'a ma oseboyo pige mag nembe e law?

Kata en ng'a ma oseketo tunge piny kuonde ma gintie?

Hulna nyinge kod woude, kingeyo?

Nyasaye rito singruok duto madrwaro ni mondo okony

En okumba ni jogo duto madwaro ni mondo okony

Kiki ihang wach ni Nyasaye owacho gimoro ma ok owacho nikech obiro kumi, monyisi ni in jamiriambo

Ka pok Chakruok

Ndalo nochakore kane Nyasaye (Eloa) ochako chwecho. Ka pok gimoro amora nochwe. Nyasaye noparo gima ne onengo otim kendo kaka dotime. Onge gima
kanyakla ne Nyasaye. Ne onyalo kata neno dwoko mag gik mane ochweyo. Nimar Nyasaye ne oseparo kuom gik moko duto mane dhi bedo kendo kaka gimoro
amora motim kod chwech tueyo kendo tudore gi machielo.

Eloah e Chakruok kendo en Giko (Fweny 1:8). En kende e mane mokwongo kaka ng'ama ok tho, koro en e chakruok. En giko nikech obiro bedo dwoko mogik mar chwechne duto. Chwech nitiere nikech en chwech nikuome kendo e chwech owuon en e gima ogik mar tijene. Omiyo, Nyasaye chwere kende e polo mochwe (Wuok 3:14). Nyasaye nodoko Wuoro kane ochweyo ne wuon ot. To onyalo ng'eyo moko mawuoyo kuom ode e kalates. chwech mar od Nyasaye (Kwan CB 4).

Kapok gimoro amora nobedoe, Nyasaye ne oparo kuom gima ne onego otim kendo kaka ne onego otime.Mong'eyo dwoko giko gik moko duto. Onge gima opandore kata mitimo mopandi ma Nyasaye ne ok ong'eyo ka ne chwech pok ochakore. Nyasaye ong'eyo gik moko duto (1Johana 3:20). Ma iluongoni ng'eyo maonge giko. Nyasaye ne ok dwar gimoro amora mondo okonye goyo kwan gik moko kapok ne ochako chwecho. Ne onyalo goyo kwan mar yore duto kendo ne onyalo neno yo ma yierone ka yierone nedhi chomo.

Nyasaye en ratego. Onge gima Nyasaye ok nyal chweyo kata timo mondo otiek chenrone e yo mayom. Ong'eyo gima nyalore, kendo ong'eyo yo maber moloyo mar timo gik moko.

Gimoro amora mochwe ne olosi kendo ochan kapok ndalo nochakore. Mano oriwowa. Gik moko duto ne nyaka nere ratiro kendo tine ber mamalo. Nyasaye ne ong'eyo kaka gik moko nolos, e chenro mane kendo odi, kamano kamano. Ng'eyoni en adier; Nyasaye en adiera (Rapar Mar Chik 32:4).

Nyasaye ne onyalo chweyo piny ma ok oparo kata kaw thuolo e gimoro mane thi wuok Omiyo, dwache ne onyiso ber mar adiera. Onge ketho e maiye kata kite.
Nyasaye ok nyal timo ketho. Kuom bedo ni onyalo loso gimoro amora man gi dwoko manyalore kendo kotemo geng'o ketho moro amora kokadho eng'eyo mare ma onge gi tong Nyasaye longo (Mathayo 5:48).

Kapok nochako chwecho, Nyasaye ne ong'eyo ni chwech biro bedo malong'o kendo maber. ne ong'eyo gima ne ber, nikech ne odwaro ni chwech obed machal kode kendo onyisi gima ne en. DWach Nyasaye mamalo ne en ber. Omiyo , Nyasaye ber (Zaburi 25:8) Dag ber duto oa kuome.Kane ng'ato oluongo kristo kaka japuonj maber, kristo ne odwoke ni " Ang'o momiyo iwacho ni an ng'ama ber? Onge ng'ama ber mak mana Nyasaye kende (Mathayo 19:17, Mariko 10:18; Luka 18:19).

Nyasaye en hera (1Johana 4:8; Jorumi 13:10). Ok en Nyasaye makumo gi kum mochwere ma jomoko paro ni en. En Nyasaye majang'uono kendo maweyo riicho. O iko kata thuolo mar lokruok ne Jachien kod chunje mane olwar. Odwaro ber mar ji duto. Ka chwech mar del osetimo tije, to chuny maler kod wowi kod nyako moro amora mar Adam ibi riw kaka nyithi Nyasaye.

Giko dwoko mar gik moko duto en ni wabiro paro kendo dak waduto e hera malong'one nga'to ang'ata kuomwa kendo neno kaka adiera Nyasaye en kendo miye duong'
en kende. Ka wahero owetewa to nyiso ni hera mar Nyasaye ni eiwa.

1 Johana 4:20-21 ka ng'ato wacho ni " I hero Nyasaye" to omon gi owadgi kaka nyamingi to en jamiriambo. Togo ma ok ohero owetegi kod nyiminegi, ma giseneno, ok nyal hera Nyasaye mapok gineno, Nyasaye ne ochiwo chik ni: Jogo mohero Nyasaye bende nyaka her owetegi kod nyiminegi ( NCV).

Nyasaye dwaro wa waduto wabed maler kaka en (Wuok 22:31; Tim Jolawi 11:45; 19:2; 20:7,21:8) ma inyal nuang' mana kuom dak e chik malong'o mar thuolo mar Nyasaye (Jakobo 1:25).

1Petro 1:14 wacho ni Nyasaye kubedo nyithindo mawinjo wach, kendo kik uyie gombo mane un-go e ndalo moko kane pod ukia Nyasaye chak telnu e ngimau 15. To bed maler e gik moko duto mitimo, kaka Nyasaye; mane oluongou ler. 16 ondiki e muma ni " Nyaka obe joma ler nikech an aler" (NCV)

Nyasaye omiyowa chikne, manyiso kiite owuon; olere, kare kendo ber mana kaka en (Jorumi 7:12). Weyo chike Nyasaye wito kit Nyasaye modwaro ni mondo ndiki e chunjewa. Kristo ne onyisowa kaka onengo waherre wawegi kuom luoro chike Nyasaye. Ne odak e ngima maonge richo, ka obolore e nyim Nyasache kendo ka opielo ngimane ne wan duto mondo wan bende wanyal hero Nyasaye kod dhano wadwa kaka otimo. Nyasaye dwarwa ni wadhi e kido mar Wuode, Yesu Kristo (Jorumi 8:29; 1Jokorintho 11:1).

Onge dhano ma oseneno Nyasaye kata mosewinjo dwonde (Johana 1:18; 5:37) Jonabi machon ne ok oneno kata owinjo Nyasaye kata eloa; to ne gineno kendo winjo malaika mar Jehova ma bang'e nobedo Yesu Kristo (rangie kalatas Yesu to ng'a ( kwan CB 2).

Era kaka wang'eyo ni Nyasaye Maduong'nitie?

Ondiki ni gima ofuwo kende e mawacho e chunye ni Nyasaye onge (Zaburi 14:1). Nyasaye osebedo (Zaburi 93:2). En chuny.

Johana 4:24 ni Nyasaye en chuny kendo joma lame nyaka lame e yo ma chuny dwaro kendo gi adiera" ( NIV)

Nyasaye osenyiso ratiro dakne gi tije mang'eny. Ne ochweyo polo kod piny (Chakruok 1:1) Eloa en jagedo mar gik moko duto Jo-Hibrania 3:4) gik moko duto meke (1Jokorintho 26:16). En Eloa mane olosowa kendo wan meke. Wan joge, rombe mag kwathne (Zaburi 100:3).

Yesu nobiro mondo opuonjwa kuom Wuoro.

Johana 7:28 mano omiyo Yesu nowacho gi dwol maduong' kapuonjo e Hekalu, "En adiera ni ung'eya kendo en adiera ni ung'eyo kuma aaye, to kata kamano ok osebiro gitekone owuon; Jal mane oora e wuon adiera, to un ok ung'eye (ASU).

Bende en adierni sand mawayudi gi dho ofulo ni Nyasaye ok oherowa?

Ooyo. Ngeny chandruok dhano ikelo gi weyo rito chike Nyasaye. Chamo chiemo ma ok ler kelo ne dendewa tuo. Dhano mang'eny ok lu ler malong'o kod kanruok e ndalo tuoche malandore emomiyo tuoche landore koa kuom ng'ato achiel nyaka kuom ng'ama chielo. Dhano doko mool kendo medo ol nikech tienge mag wichteko ne chike Nyasaye kendo, ok wariti piny e yo malong'o kaka Nyasaye nochikowa. Lwenje kelo sand mathoth kendo ma ok en tim Nyasaye. Dhano yanyo giwegi kendo njaw dendgi. Wanjaw piny bende omiyo chiegni ni wan e mawamiyo sandruokwa timorenwa (ng'I kalatas chike mag chiemo mag muma (CB19).

Bende Nyasaye ng'iyo gik matimore ni Dhano?

Otimo kamano. Nyasaye rito kendo ohero wa ahinya. Ok odwar gimoro amora mondo obedie kindwa kode Odwaro ni mondo wang'e ni onge ng'at marom kode e teko kod duong' (Rapar mar Chik 4:35).

Nyasaye nomiyo dhano chakruok malong'o (Chakruok 1:26-30). To dhano noweyo chik Nyasaye kendo oneno ni mondo otim gik moko e yore owuon. Gini nokelonwa chandruok maduong' niwan (Jorumi 5:12) Parni, Nyasaye nooro Wuode mondo owar dhano koa e richo kd dho. Ma siemo hera maduong' mar Nyasaye ne dhano (Johana 3:16).

Ok onego geng'wa sama gik moko dhi marach. Ok onego wapenj ni ;'ere Nyasaye?. Ang'o momiyo gini timorena? Nyasaye ong'eyo gik moko duto matimore e ngimawa. Par ni, yesu nokket malong'o kuom sandruokne. Wan bende nyaka warit ng'eyo koa kuom tembe wa kod sandruok. To Nyasaye ok ni mabor. Ok obi yie ni mondo wayud chandruok kendo ma ok wanyal nyalo. Omiyo wamor e chunjewa nikech wageno Nyasaye (Zaburi 33:20-21).

Onego walem kuon Ng'a?

Jopuonjre nopenje Yesu mondo opuonjgi lemo (Luka 11:1). Yesu nomiyogi yore moko kaka onego lem kendo ng'ama onego giketie lemb gi. Som muma kendo ne ni alam itero ni Wuoro kende.

Mathayo 6:6 To in kilemo to donji e odi kar kendi, ilor dhoot. Eka ilam Wuoro ma ok ne Wuonu nogo, maneno gik motim maling'ling' nomiyi pokni ( RSV).

Kato Yesu noluwo gi lemo machon (Mathayo 6:9-13) Ng'i Madongo 9:

Mathayo 6:9 to un onego ulem kama: Wuonwa manie polo, nyingi mondo omi luor ( NIV).

Kaka Jo-Kristo nyaka walu tiend Yesu. Omiyo ka walemo to wakwa e nyinge.

Johana 4:13-14 gimoro amora mukwayo e nyinga, natim mondo Wuoro oyud duong' kuom Wuowi; 14 kukwayo gimoro amora e nyinge, natim (RSV) (Ng'i kendo Johana 15:7)

Nyasaye nyalo winjowa e polo. Routh Nyasaye winjo jogo moluore kendo ok wich nowil kodgi (Malaki 3:16). Ka walemo to onego wami erokamano ni Nyasaye ni gweth mang'eny kuom chwech manono ma omiyowa (Zaburi 105:1).

Kuom weche mang'eny ng'i kalatese Lesson e lemo kar A Ralel japuonj (CB31) kod Lesson e puonj e lemo kar B kalatas tich (CB 32).

Bende ber Nyasaye ma Wamiyo duong'?

Kamano, ober ahinya ni wamiyo Nyasaye makare duong', nyaka walem e nyim Ruoth ma Nyasachwa (Rapar mar Chik 26:10; 1Samwel 1:3; 15:25). To be Nyasayeni olos gi ji ariyo kata adek? Ohoyo! Bende wanyalo wacho ni Yesu kristo Wuod Nyasaye ni en Nyasaye kaka Nyasaye Wuoro en Nyasaye? Dwoko en Ooyo".

Yesu iwacho kaka nyasaye (Johana 1:1) kata kaka Nyasaye maduong' (Isaya 9:6), to onge kama owachni ni en Nyasaye maduong' (chakruok 17:1). Onge yo moro amora mane Yesu manyoe mar wuongi (Luka 4:8). Yesu en Nyasaye to ok en Nyasaye Achiel kende mar Adier. En chuny mopogore to kuom muolone en e achiel kod Wuoro.

Kristo pimonwa ni girwa mar lemo en Wuoro kendo ok en.

Johana 4:23 to ndalo biro kendo ose mana chopo, ma jomalemo maradier biro lamoe Wuoro e yo ma chuny dwaro kendo gi adiera nikech joma kamago ema RuothNyasaye dwaro obed joma lame (NIV).

En saa mane ma wamiye Nyasachwa duong?

Nyasaye Achiel kende ma Adiera omiyowa kalenda kendo chike makende kaka odiochienge ma onego warit maler kendo warom kanyakla mondo wamiye duong'. Ndalo gi kod odiochieng' oler duto e otose gi Kalenda maler mar Nyasaye (Kwan 20); Odiochieng' mar abiriyo (Kwan CB21); Odiochieng' maler mar Nyasaye (CB22).

Onge Nyasaye moro kendo

Onge Nyasaye moro mabedo machal kod Nyasaye Wuoro (Wuok 8:10) oduong' en e duong' otimo honni (Wuok 15:17).

Isaya 44:6 Ruoth Nyasaye manyalo gik moko duto ma Ruoth Jo-Israel kendo jawarji wacho niya " An e mokwongo kendo e mogik, bende onge Nyasaye moro mak mana an" (RSV).

Paulo ma joote nondiko ne jo-kristo ma adiera:

1Jokorintho 8:5-6 To kata kantie gik miluongo ni nyiseche e polo kata e piny (kaka adier nitie nyiseche mang'eny kod ruothi mang'eny) wan to wan mana gi Nyasaye achiel kende. Wuoro, kendo ma gik moko duto a kuome kendo e momiyo wantie. (NIV).

Onge ng'ato kendomapogo thuolo mar Nyasaye maduong' (Eloa e dho Jo-Hibrania). Gik mamoko duto mag lemo kaka nyiseche manono, jomaler mane osetho, Maria ma silili kod satan gin nyiseche ma miriambo Nyaka kik walam Elohim (Nyasaye) moro amora mak mana Nyasaye ma Wuoro (Wuok 34:14; Rapar mar Chik 11:10) kata

Wuok 20:2. An e Ruoth Nyasaye ma Nyasachu mane ogolou e piny Misri kuma ne ubedoe wasumbni kik ubed gi Nyasaye moro, to mak mana an (NIV).

Eloa en Nyasachwa kendo Wuoro kendo Nyasaye kendo Wuoro Yesu kristo (Johana 20:17). Nyasaye nochweyowa waduto kendo wan gi Wuoro achiel (Malaki 2:10). Wanwa nie polo (Mathayo 23:9). En Wuon gik moko duto mochung' ne duto kendo kuom duto e duto (Joefeso 4:6).

Nitiere Nyasaye Eloa ma achiel kende kend mar Adiera. Elohim (nyiseche) moko duto nitie nikech odwaro mondo obed kamano. Gimedo bedie nikech muolo mae teko Eloa. Ruoth Nyasaye en jang'wono kendo jahera. Iye ok wang' mapiyo to omuol. Opong'kod hera (Zaburi 145:8; Wuok 34:6). Odwaro seche duto kende enti(Zaburi 46:1). Nyasaye dwaro ni wan duto wabed kaka en. Ng'ato ang'ata moyudo thuolo mar nywol biro yudo thuolo mar yudo ngima mochwere. Wach Nyasaye en ni ng'ato ka ng'ato biro yiero mondo odagi kaluore gi chikene.

Kaka wamedo ng'eyo ng'ama Nyasaye en kendo wachako dak e yore, wabiro neno ni olong'o kaka wasomo kendo wang'iyo wachne wafwenyo ni olong'o. Omiyo ka wageno kuom Nyasaye kendo luore to obiro ritowa (Zaburi 18:30; Ngeche 30:5) Nyaka wang'e kendo walam nyasaye Achiel kende ma Adiera kapok wang'eyo honni mag Nyasaye. Ma kaw thuolo to wan gi dala maber e nyimwa.

En giko dhano mondo obed Elohim (nyiseche) kaka Yesu kristo mane malaika mar Ruoth e Muma machon (Zekaria 12:8).

PO Box 369, WODEN ACT 2606, AUSTRALIA

Ka pok Chakruok

Onego walem kuon Ng'a?